QUEZON – PATAY ang isang driver ng isang motorsiklo habang sugatan ang isa pa matapos mawalan ng kontrol at makasalpok sa isang puno sa Brgy. Road, Brgy. Matandang Sabang Kanluran, Catanauan.
Kinilala ang binawian ng buhay na si Reymar Panis Arroyo.
Batay sa ulat ng Quezon Police Provincial, binabagtas ng biktima ang kahabaan ng naturang kalsada nang aksidente itong mawalan ng kontrol at makasalpok sa puno ng Mahogany.
Sa imbestigasyon ng mga awtoridad, nabatid na dahil sa naturang insidente, nagtamo ng sugat sa iba’t-ibang bahagi ng kanilang kanilang katawan si Arroyo at ang hindi na pigpangalanang backrider nito.
Agad namang dinala sa ospital ang mga biktima para sa asistensya medikal ngunit idineklara ring dead on arrival si Arroyo.
