Standings:
W L
Rain or Shine 4 1
Alaska 3 1
Meralco 3 1
TNT 3 1
Columbian 3 2
GlobalPort 2 2
Phoenix 2 2
Magnolia 1 1
Barangay Ginebra 1 2
NLEX 1 3
San Miguel 0 2
Blackwater 0 5
Mga laro ngayon:
(Araneta Coliseum)
4:30 p.m. – Magnolia vs Columbian
7 p.m. – NLEX vs GlobalPort
MAGKAKASUBUKAN ang NLEX at GlobalPort sa pagbabalik ng PBA Commissioner’s Cup ngayon sa Araneta Coliseum.
Ngayon, tampok ang koponan ng Columbian Dyip, Mangolia, NLEX at Global Port sa Commissioner’s Cup.
Maghaharap ang Road Warriors at Batang Pier sa alas-7 ng gabi matapos ang bakbakan ng Columbian Dyip at Magnolia Hotshots sa alas-4:30 ng hapon.
Sa kabila na nasa ikatlong puwesto na may 3-2 kartada, dehado ang Columbian dahil malakas ang tao ng Magnolia at ang kanilang import na si Vemon Macklin ay maaasahan sa opensa at depensa.
Target ng Magnolia, runner-up sa sister team San Miguel Beer sa Philippine Cup, ang ikalawang panalo sa tatlong laro.
Muling masusubukan ang galing at tibay ni Magnolia import Vernon Macklin laban kay Columbian counterpart John Fields sa unang nilang pa-ghaharap at inaasahang magiging kapana-panabik ang kanilang personal duel sa court.
Katuwang ni Macklin sina Andy Mark Barroca, Aldrech, Paul Lee, Ian Sangalang, Rome de la Rosa, Peter June Simon at rookie Jio Jalalon laban sa tropa ni coach Ricky Dandan, sa pangunguna nina LA Revilla, Eric Camson, Nico Elorde, Prince Caperal at Philip Paniamogan.
Inaasahang magiging mahigpitan ang laro ng GlobalPort at NLEX dahil pantay ang lakas ng dalawang koponan.
Pinutol ng NLEX ang tatlong sunod na talo matapos payukuin ang Phoenix sa overtime, 120-115, sa Alonte Stadium sa Biñan, Laguna. CLYDE MARIANO
Comments are closed.