Mga laro bukas:
(Araneta Coliseum)
4:30 p.m. – Blackwater vs NorthPort
5:45 p.m. – NLEX vs Rain or Shine
PINUTOL ng Meralco ang kanilang two-game losing streak nang pataubin ang NLEX, 114-98, sa PBA Governors’ Cup kagabi sa PhilSports Arena.
Nagbuhos si import KJ McDaniels ng double-double na 31 points at 21 rebounds para sa Bolts na umangat sa 4-3 kartada. Nahulog naman ang Road Warriors sa 5-3.
Nanalasa sina Allein Maliksi at Chris Newsome sa three-point area sa pagkamada ng pinagsamang 7 sa 13three-pointers ng Meralco upang tumapos na may 19 at 18 points, ayon sa pagkakasunod.
“I thought we just played better tonight. We got a good game from KJ, which we didn’t get for the last couple of games. He had 30-20. If he can give us that type of performance then we would have a chance of beating the opponents,” wika ni winning coach Norman Black.
“Basketball is really a game of runs. You rarely see a team blow out a team the entire game. You’ll get on a good run; you don’t know exactly why but the other team figures it out and comes back,” sabi pa ni Black.
“At the end, we’re able to get some stops, Allein hit some big shots for us and KJ was really a dominant player in the paint, which really helped us. (Chris) Newsome did well. A lot of guys contributed to the victory,” dagdag pa niya.
Makaraang maghabol ng isang puntos, 15-16, wala nang 5 minuto ang nalalabi sa opening period, biglang bumanat ang Bolts ng 22-0 run sa pagitan ng unang dalawang quarters upang umabante ng hanggang 21 points, 37-16.
Nanguna si Wayne Selden Jr. para sa Road Warriors na may 29 points, 8 rebounds, at 7 assists, habang nagdagdag sina Don Trollano at Ganuelas-Rosser ng 19 at 16 points, ayon sa pagkakasunod.
CLYDE MARIANO
Iskor:
Meralco (114) – McDaniels 31, Maliksi 19, Newsome 18, Black 15, Hodge 9, Caram 8, Almazan 7, Banchero 5, Quinto 2, Jose 0.
NLEX (98) – Selden 29, Trollano 19, Ganuelas-Rosser 16, Alas 13, Semerad 9, Nieto 9, Rosales 3, Miranda 0, Pascual 0, Gabo 0.
QS: 27-16, 56-46, 87-71, 114-98.
