TAMPOK ang global running phenomenon Rock ‘n Roll Running Series in Manila sa session ng Philippine Sportswriters Association (PSA) Forum ngayong Martes sa conference hall ng Rizal Memorial Sports Complex.
Magiging panauhin si Princess Galura, president and general manager ng Sunrise Events Inc. – na bahagi ng IRONMAN Group – kasama si race director Julian Valencia, upang talakayin ang special event na pinagsama-sama ang running, music, at community.
Kasama rin nilang bibisita sa 10:30 a.m. session sina Charlie Dungo, department head Department of Tourism, Cultural and Arts Manila, at Rina Reganit, marketing manager ng Alveo Land Inc.
Ang Forum ay itinataguyod ng San Miguel Corporation, Philippine Sports Commission, Philippine Olympic Committee, MILO, Smart/PLDT, at ArenaPlus, ang 24/7 sports app ng bansa.
Ang session ay naka-livestream via PSA Facebook page fb.com/PhilippineSportswritersAssociation at ineere rin sa delayed basis sa Radyo Pilipinas 2 na isine-share ito sa kanilang official Facebook page Radyo Pilipinas 2 sports.
