RON MACAPAGAL MAS ANGAT SA IBANG BIDAMAN

BAGO man lang mag Grand Finals ang Bidaman sa It’s Showtime ng ABS-CBN, isa si Ron Macapagal sa mga inaasahang maging Grand Winner dahil sa ibang angkin nitong talino sa pag-arte at sa maraming angking talento ang Saudi-born na actor.

Hindi niya nasungkit ang Grand Prize pero kasama siya sa  Top 6. Bumilib si Vice Ganda sa ibang klaseng pag-arte ni Ron lalo na yong eksena nila ni Jackie na isa sa mga mainstays sa pantangha­ling programa sa TV.

Hindi nakapagtataka dahil bago maging Bidaman si Ron, hinubog na siya ng kanyang mana­ger sa pag-arte. Ako po iyon, ang inyong lingkod.

Sa unang pelikula ni Ron noong 2017 na Cuc­koo, nakadalawang Best Actor agad siya at naging finalist pa ang pelikulang ito sa Portugal.

Sa kanyang mga kasabayan sa Bidaman, masa­sabing mas angat ang career ng La Salle student na ‘to. Kahit pandemic, nakapag-recording si Ron ng dalawang kanta under PolyEast Records. Ito ang “Sana Pagbigyan” at “Lilim” na naging hit.

Pinarangalan din siya ng 3rd Laguna Excellence Awards as Best New Recording Artist at nominee siya as Best New TV Personality sa PMPC Star Awards for TV.

Kamakailan lang, nana­lo si Ron Macapagal ng Best Actor sa pelikulang “Minsa’y Isang Alitaptap” kasama sina Gina Pareño, Teresa Loyzaga at Diego Loyzaga. Ito ang maitutu­ring na biggest break ni Ron dahil nakasama niya ang mga bigating artista.

Sa ngayon, nasa Saudi si Ron kasama ang kanyang pamilya para tapusin din ang kanyang pag-aaral.

KASAL NI ERICH GONZALES SA ANAK NG BILYONARYO TULOY NA

Tuloy na ang kasal ng actress na si Erich Gonzales (Erika Gancayno in real life) kay Paolo Lorenzo na anak ng isang bilyonaryo.

Pag sinusundo raw ito sa airport, Rolls Royce ang gamit. Nakakatuwang isipin ang buhay ni Erich. Siya ang totoong Cinderella.

Mula sa mahirap na buhay sumali ng isang reality show sa ABS-CBN naging grand winner at naging artista. Dahil magaling umarte sunod-sunod ang teleserye at pelikula. Naging mayaman eventually at ngayon, ikakasal sa isang bilyonaryo. Napakasuwerteng bata. Congratulations Erich & Paolo on your wedding!