BATAAN- NASA 30 gramo ng pinatuyong dahon ng marijuana ang nasamsam ng mga operatiba ng PDEA makaraang ilunsad ang entrapment operation sa Brgy, San Pedro sa bayan ng Hermosa ng lalawigang ito.
Kinilala ng mga pulis ang suspek na si Christian Jomar, residente sa nabangit na barangay.
Nasukol ang suspek, sa tulong ng isang courier service na agad nakapagtimbre sa mga awtoridad na may darating na pakete na naglalaman ng ilegal na droga mula sa Sta. Rosa, Laguna.
Samantala, detenido ngayon ang suspek sa Hermosa Municipal Jail habang inihahanda ang kasong paglabag sa Republic Act 9165. THONY ARCENAL