MOSCOW – NANINIWALA ang Filipino community na makokontrol ng Russian government ang 2019-nCoV kasunod ng pagtala sa dalawang positibong kaso ng nasabing virus doon.
Sinabi ni Ejay Merced, Pinay worker sa Moscow, Russia, sinabi niyang malayo rin sa kanila ang Siberia Region at Tyumen City kung saan naitala ang mga nasabing nCoV cases.
Sinabi rin niyang normal lamang ang pagsuot ng face mask sa Russia dahil sa malamig na klima ngayon doon.
Wala rin aniyang pagkaalarma ng mga tao sa isyu ng nCoV.
Mahigpit kasi ang pagpapatupad ng Russia ng quarantine measures gaya ng mahigpit na pagbantay sa mga airport.
Sinabi pa ni Merced na palaging ipinapaalala sa kanila ng Philippine Embassy sa Russia ang pagsunod nila sa mga ipinapatupad doon na precautionary measures laban sa nCoV.
Giit din niyang walang dapat ipag-alala ang mga kapamilya ng mga OFW sa Russia dahil kaya naman ng pamahalaan doon na umaksiyon sa isyu ng nCoV lalo na at maganda ang health facilities, malalakas ang mga gamot at magagaling ang mga doctor. PILIPINO MIRROR REPORTORIAL TEAM
Related posts:
(Dahil sa coronavirus) OFWs BINALAAN SA MATAONG LUGAR SA SOUTH KOREA
2 PINOY NAKAALIS SA WUHAN BAGO ANG CORONAVIRUS LOCKDOWN
150 PINOY SA WUHAN LIGTAS SA NOVEL CORONAVIRUS
ILANG OFWs UMALMA SA 14-DAY QUARANTINE PERIOD
PINAY DH SA DUBAI CORONAVIRUS ANG IKINAMATAY
OFW NA-QUARANTINE SA HONG KONG LIGTAS SA WUHAN VIRUS
OFWs SA SINGAPORE NANGANGAMBA SA PLANONG BAKASYON SA PHL
PINOY WORKERS SA CAR COMPANY APEKTADO NG NCOV SCARE
Comments are closed.