NANAWAGAN si Senador Imee Marcos na gunitain ang mga kabataan na nasawi sa pakikipagdigma o silang hindi makauwi sa kanilang mga pamilya matapos i-recruit ng New People’s Army (NPA) ngayong Niños Inocentes.
Ang Niños Inocentes ay ang paggunita sa pangyayari noon na nakasaad sa Biblia, kung saan ipinag-utos ni Haring Herodes ang pagpatay sa mga bagong silang na lalaking sanggol sa takot na maagawan siya ng trono, alinsunod sa propesiya.
Ginawa ni Marcos ang pahayag bilang pagsuporta na rin sa mga nagdadalamhating mga ina na nagsagawa ng protesta laban sa Communist Party of the Philippines sa pagdiriwang nito ng ika-51 anibersaryo.
“Patay man o buhay ang kanilang mga anak, ang mga magulang ay patuloy na nagdadalamhati sa ginawang pagsasamantla ng mga kaaway ng estado sa kanilang kamusmusan,” pahayag ni Marcos.
Kabilang sa Republic Act 9262 o batas na nagpo-protekta sa mga kababaihan at kabataan laban sa karahasan, ang mga kabataan na 18 pababa o higit pa na hindi kayang alagaan ang kanilang sarili.
“Isang karahasan ang pagkaitan ang mga magulang na mahalin ang kanilang mga anak. Malinaw na paglabag sa batas ang ginagawa ng mga berdugong NPA,” sabi pa ni Marcos.
Kaugnay nito, pina-aamyendahan ni Marcos ang Senate Bill 630 o Anti-Terrorist Act sa pamamagitan ng pagtukoy sa rebelyon at pangingidnap bilang isang uri ng terorismo, na may karampatang mabigat na parusa.
Maliban sa lantarang recruitment sa mga kilalang unibersidad sa bansa, tinukoy rin ni Marcos ang pagre-recruit ng NPA sa hanay ng mga kabataan sa mga paaralan na nagpapanggap na para sa mga katutubo o indigenous peoples o IP o mas kilala sa tawag na Salugpungan Tatanu Igkanugon Community Learning Center Inc.
Sa kanilang pagharap sa isinagawang pagdinig ng Senate Committee on Cultural Communities na pinamumunuan ni Marcos, lantarang tinukoy ng mga tribal leaders na sina Datu Awang Apuga, Datu Joel Dahusay at Bae Magdalina Ilagan na sila mismo ay mga dating mag-aaral ng Salugpungan at biktima ng NPA. VICKY CERVALES
Related posts:
ALBAYALDE DUDANG BUHAY PA ANG SPARROW YUNIT NG NPA
MAS PINAIGTING NA OPENSIBA NG NPA DAHIL SA MARTIAL LAW EXTENSION
15 NPA NAGSISUKO SA S. KUDARAT
513 MINORS PUMASOK SA NPA
(9 NPA high value target arestado) 4 NA CPP-NPA FRONT ORG SINALAKAY
(Sa engkuwentro laban sa NPA) MGA NASAWI AT SUGATANG SUNDALO PINARANGALAN
TESDA NAGLUNSAD NG TRAINING SA MGA SUNDALO AT DATING NPA
RED TAGGING HINDI NAGMULA SA GOBYERNO
Comments are closed.