NANAWAGAN si Pangulong Rodrigo Duterte sa publiko na manatiling kalmado at mahi- nahon sa gitna ng nananatiling banta ng COVID-19.
“I call on our people to remain calm, vigilant, responsible and I also ask your trust and cooperation, support as we face the challenge,” wika ni Pangulong Duterte sa taped video message na inilabas ng Radio Television Malacañang.
Hinikayat din ng Pangulo ang publiko na maging mapagmatyag habang hiningi rin nito ang pakikipagtulungan sa pamahalaan.
Tiniyak ng Pangulo na patuloy ang ginagawang pagtutulungan ng gobyerno, WHO gayundin ng mga nasa pribadong sektor na sama-samang naghahanda sa ano pa mang maaaring mangyari.
Kasabay nito ay nanindigan ang Chief Executive na hindi magpapabaya ang pamahalaan at nakahanda nitong iuwi ang ating mga kababayang nananatili sa ilang mga lugar sa China na kasalukuyan pa ring naka-lock down.
Apela pa ng Pangulo, huwag makinig sa haka-haka na ang layunin ay maghasik lamang ng lalo pang takot at sa halip, makinig lamang sa mga impormasyong inilalabas ng gobyerno at WHO. EVELYN QUIROZ
Related posts:
(Sa MV Diamond Princess) 41 PINOY NA ANG POSITIVE SA COVID-19
PINOY SA SINGAPORE POSITIVE SA COVID-19
ISRAEL AT LEBANON MAY NAITALANG KASO NG COVID-19
(Nasa iba’t ibang bansa) 63 PINOY POSITIVE SA COVID-19
5 PINOY SA LUXURY SHIP, NAKITAAN NG SINTOMAS NG RESPIRATORY ILLNESS
(Pinag-aaralan ng gobyerno) TRAVEL BAN SA JAPAN, ITALY, IRAN
PANGANIB NG COVID-19 NASA “VERY HIGH” LEVEL NA–WHO
(Sa pagpapakalat ng maling info tungkol sa COVID-19) RUSSIA UMALMA SA PARATANG NG AMERIKA
Comments are closed.