(Sa gitna ng umiiral na pandemya) REGISTRATION SA NATIONAL ID PATULOY

SA patuloy na pagsasagawa ng registration para sa National ID, sinimulan na ng  Armed Forces of the Philippines (AFP) ang pamamahagi ng National Identification System (PhilSys) registration kits sa 32 provincial offices ng Philippine Statistics Authority (PSA) nitong nakalipas na Linggo.

Hinati ni AFP chief of staff Gen. Gilbert Gapay sa tatlong major service command ang pamamahagi ng registration kit sa buong Pilipinas.

Responsabilidad ng  Philippine Army na magkaloob ng logistics support at paghahatid ng registration kits sa  PSA provincial offices sa  Luzon, habang sa  Philippine Navy naman ibinigay ang pamamahagi sa  Visayas, at sa Philippine Air Force naman ang  PSA provincial offices sa Mindanao.

Nauna nang ibinigay ng NEDA sa AFP noong nakaraang Oktubre 30, at inihatid sa  PSA head office sa Diliman, Quezon City noong Nobyembre 6.

At mula sa PSA head office ay ibinahagi naman ang registration kits sa tatlong AFP major services upang pangasiwaan ang paghahatid ng mga ito sa mga target provinces sa tatlong rehiyon bagong mag-Nob­yembre 12, 2020.

Nabatid na humingi ng tulong si  Acting NEDA Secretary Karl Kendrick Chua sa  AFP sa pamamagitan ni  Defense Secretary Delfin Lorenzana na bigyan ng logistics support and transportation ang may 4,000 registration kits sa 655 siyudad at munisipalidad sa buong bansa.

Layon nito na matiyak na safe at  secured ang pag-transport sa PhilSys registration kits lalo na at limitado pa rin ang inter-island at provincial transportation sa mga probinsiya dahil umiiral pa rin ang community quarantine sa buong bansa.

Kaugnay nito, positibo ang pananaw ni  Gapay na malaking tulong ang national ID system sa pagp­apanatili sa peace and order at mahihirapan na ang cri­minals, terrorists at iba pang lawless elements na mag-assume ng pekeng identities na maghahasik ng krimen at terorismo sa bansa.

“The National ID System will help us and other law enforcement agencies to curb criminality and terrorism as we can now validate and expose criminals’ identities and prevent them from hiding in other law-abiding citizens’ identity. This will also constrain and lose their freedom of movement, and they will be isolated and unable to transact business as no official identification can be presented when demanded,” pahayag ni Gapay. VERLIN RUIZ