MAKATI CITY – AGAD na tumalima ang Metropolitan Manila Development Authority (MMDA) sa ipinalabas na kautusan ni Pangulong Rodrigo Duterte na bigyan ang mga emergency vehicles partikular ang mga ambulansya ng assistance o escorts upang makaiwas sa mabigat na daloy ng trapiko sa kalsada.
Ito ang napag-alaman kay MMDA spokesperson Assistant Secretary Celine Pialago na nagsabing kapag nangailangan ng escort ang isang emergency vehicle ay magsabi lamang sa motorcycle riding traffic enforcers upang maasistehan o maalalayan sila sa daloy ng trapiko sa mga lansagan.
Ayon kay Pialago bibigyan lamang nila ng escort o assistance ang mga emergency vehicles tulad ng ambulansya na may sakay na mga pasyente at ‘yung iba na wala namang pasyenteng sakay at pabalik na ng kanilang barracks ay hindi na kailangang pang-alalayan.
Dagdag pa ni Pialago, kung sakali mang hindi agad makapag-abiso ang mga emergency vehicles upang humingi ng assistance sa mga traffic constables ng MMDA ay magkukusa namang asistehan sila kung sakaling madaanan nila sa lansangan ang mga ito. MARIVIC FERNANDEZ
Related posts:
AFP WALANG NA-MONITOR NA BANTA SA SONA NI PANGULONG DUTERTE
(Natakot sa banta ni Duterte) SUMUSUKONG PRESO DUMARAMI
PDU30 DISMAYADO SA PNP –GEN. BANAC
PDU30 KAY GAMBOA: BAGUHIN AT LINISIN MO ANG PNP
(Sa ikalimang SONA ni Pangulong Duterte) RALIYISTA SUMUNOD SA PROTOCOLS–SINAS
(5TH SONA ni Pangulong Duterte:) EXTRA ORDINARY – PNP SPOKESMAN GEN. BANAC (8,000 pulis, 30 sniffing dogs ikinalat)
Comments are closed.