(Sa Learning Continuity Plan) DEPED PINATUTULUNGAN SA LGUs

PILIPINO Mirror
Senador Win Gatchalian-5

HINIKAYAT ni Senador Win Gatchalian ang mga local government unit (LGU) na tulungan ang Department of Education (DepEd) sa  pagpapatupad ng Learning Continuity Plan (LCP) sa sitwasyon o kapasidad ng bawat lungsod, munisipalidad, o probinsya.

Ito ay upang masigurong ang mga paraan ng pagtuturo ay magi­ging mabisa para sa mga mag-aaral, guro, at mga magulang at siguradong magagamit nila kapag nagbukas na ang klase.

Dahil maraming mga komunidad ang walang gadget o hindi konektado sa internet, binigyang-diin ni Gatchalian na kailangang tukuyin at isulong ng mga LGU ang mga paraan ng pagtuturong abot-kamay ng mga mag-aaral, lalo na sa mga liblib at malalayong lugar.

Bagaman may mga LGU na nagpapamahagi na ng mga gadget at internet load sa kanilang mga mag-aaral, pinaalala ni Gatchalian na hindi lahat ng LGU ay may kakayahang gawin ito. Aniya, may ilang LGU na kaya lamang suportahan ang pamamahagi ng mga printed self-learning modules o ang pagtuturo sa pamamagitan ng radyo at telebisyon.

Ayon kay Gatchalian, dito pumapasok ang kahalagahan ng mapping system upang gabayan ang DepEd at LGUs sa iba’t ibang paraan ng distance learning, pati na rin ang paggawa ng learning materials.

Sa Valenzuela, ha­limbawa, nagkaroon ng isang survey kung saan lumabas na Facebook live ang napiling gamitin para sa pag-aaral ng mga bata ngayong darating na pasukan. Dahil dito ay nagpasya ang LGU na magpamahagi ng smartphones upang magamit sa panonood ng mga aralin sa Facebook Live.

Ang pagkakaroon ng mapping system para sa distance o hybrid learning ay isinusulong ni Gatchalian sa kanyang panukalang ‘Education in the New Normal Act’ na maglalatag ng tinatawag na Safe Schools Reopening Plan sa panahon ng krisis at sakuna. Sa naturang panukala, inaatasan ang DepEd na magkaroon ng mapping system na layong tukuyin kung ilang mag-aaral ang konektado sa internet at may nagagamit na gadgets.

Sa isang pandinig sa Senado, iniulat ng DepEd na hinihintay nitong makumpleto ang datos ng enrollment para sa sarili nitong mapping para sa distance learning. VICKY CERVALES

Related posts:

Win GatchalianDEPED AT LGUs TULONG (Sa paghasa sa pagbabasa ng mga estudyante) Senadora Grace Poe-5STUDES AYUDAHAN SA ONLINE LEARNING Diosdado San AntonioFACE TO FACE CLASSES SA COVID-19 FREE AREA MALABO PA-DEPED Deped pasigSUICIDE REPORTS ‘WAG IUGNAY SA DISTANCE LEARNING —DEPED modulesP5.6B KAILANGAN NG DEPED PARA MAISAAYOS ANG WINASAK NA KAGAMITAN NG BAGYO France CastroPAGBABALIK NG FACE-TO-FACE CLASSES PAGHANDAAN (Malinaw na policy at guidelines ng DepEd pinalalatag) DepEd, pinagpapaliwanag ni Yap sa Igorot topic sa module vaccine(Presyo ng bakuna inaasahang bababa) LGUs, PRIVATE COMPANIES KONTROLIN SA PAGBILI NG COVID-19 VACCINES

Comments are closed.