(Sa magnitude 7 lindol sa Turkey) WALANG PINOY CASUALTIES

PILIPINO Mirror
turkey

KINUMPIRMA ni Philippine Ambassador Raul Hernandez na walang Filipino ang na­damay sa magnitude 7 na lindol na tumama sa Aegean coast, Turkey.

Ayon kay Hernandez, agad silang nakipag-ugnayan sa mga Filipino Community sa lugar at walang casualties na Filipino ang naitala.

Nabatid na may 14 katao ang namatay at 20 gusali ang gumuho dahil sa pagtama ng malakas na lindol na naramdaman din sa bansang Greece.

Gayunpaman, patuloy ang ginagawang pagmomonitor ng Department of Foreign Affair (DFA) sa pamamagitan ng puspusan ang pakikipag-ugnayan ng Embahada ng Pilipinas sa Turkish authorities upang malaman ang mga impormasyon at sitwasyon ng mga kababayan sa naturang bansa.

Nanawagan din ng dasal ang ambassador sa publiko para sa kaligtasan ng mga Pinoy sa Turkey.

“Lets pray for the safety and welfare of our kababayans here and  people of Izmir during this challenging times,” pahayag ni Ambassador Hernandez.

Ayon sa datos ng ahensiya noong Disyembre 2019, nasa 3,063 Pinoy ang naninirahan at nagtatrabaho sa Turkey.               LIZA SORIANO

Related posts:

turkey-lindolOFWs LIGTAS SA 6.8 MAGNITUDE QUAKE SA TURKEY LindolMGA PINOY LIGTAS SA 7.1 MAGNITUDE QUAKE SA CALIFORNIA SOUTH SANDWICH ISLANDWALANG OFW NA NADAMAY SA LINDOL SA SOUTH SANDWICH ISLAND Wasak na bahay(4 na taong kita nabalewala) BAHAY NG OFW NAWASAK SA LINDOL lindol iranFILIPINO LIGTAS SA 5.8 MAGNITUDE QUAKE SA IRAN ALBANIA QUAKEWALANG PINOY NA NABIKTIMA SA ALBANIA QUAKE

Comments are closed.