NANAWAGAN si Quezon City Rep. Precious Castelo sa mga awtoridad na arestuhin ang mga mapag-samantalang negosyante na nag-o-overprice at nagho-hoard ng face masks, alcohol at mga personal protective equipment (PPE).
Ito’y kasunod ng reklamo ng mga opisyal ng Lung Center of the Philippines na ang presyo ng kada piraso ng PPE na nagkakalahalaga lamang dapat ng P500 ay ibinebenta ng P3,000 sa black market.
Giit ni Castelo, ilegal ang overpricing, profiteering at hoarding, lalo na ngayong deklarado ang public health emergency.
Dapat lang aniyang mahuli ang mga ito at kumpiskahin ang kanilang mga produkto para magamit ng frontliners na nangangailangan nito.
Ayon sa kongresista, kaya namang matukoy ng Department of Trade and Industry (DTI) at ng Bureau of Customs (BOC) ang mga negosyanteng ito, mapa-local manufacturers o importers.
Bukod sa Lung Center, dumadaing na rin ang Philippine General Hospital at iba pang ospital sa kawalan ng PPE.
Ipinunto ni Castelo na available naman ang mga produktong ito, pero halos anim na beses na mas mahal sa orihinal na presyo dahil sa pananamantala ng ilan. CONDE BATAC
Related posts:
(Sa pagluluwag ng panuntunan sa mga dayuhang negosyante) DAGDAG NA TRABAHO SA MGA PINOY
ILANG MGA PALATANDAAN NA HANDA KA NANG MAGING ISANG NEGOSYANTE
6 NA NANGUNGUNANG MAKABAGONG NEGOSYANTE SA MUNDO NA SUSUNDAN SA 2023
PAANO MAGHANDA SA PAGRERETIRO BILANG MALIIT NA NEGOSYANTE
3 ARAL MULA SA MGA NEGOSYANTE NA MAGAGAMIT TUWING KRISIS
(Target ng DTI vs agri smuggling, hoarding) NATIONAL WAREHOUSE DATABASE
(Lusot na sa Senado) ‘LIFE’ SA AGRI SMUGGLING, HOARDING
ILANG ARAL MULA KAY SANTA CLAUS PARA SA MALILIIT NA NEGOSYANTE
Comments are closed.