(Sa pagpasok ng Holy Week) PRESYO NG ISDA TUMAAS

BAHAGYANG tumaas ang presyo ng isda  sa pagpasok ng Mahal na Araw.

Kasunod ito ng  pagpa-fasting o hindi pagkain ng mga Katoliko ng karneng baboy ngayong panahon ng Semana Santa.

Sa isang wet market sa Quezon  City  ay nasa P180 hanggang P200 ang presyo ng kada kilo ng bangus, mas mataas ng P20 hanggang P30 kumpa-ra sa presyo nito noong nakaraang linggo.

Tumaas naman ng P10 ang presyo ng kada kilo ng tilapia na nasa P130 na.

Ayon sa mga fish vendor, kakaunti lamang ang suplay  ng bangus at tilapia at iba pang isda dahil halos walang bumibiyahe at sarado ang mga palengke kapag Huwebes Santo at Biyernes Santo.

Binigyang-diin naman ni Agriculture Secretary William Dar na ang presyuhan ay nakadepende sa law of supply and demand at ang traders at vendors ay pinapayagan ng 10% kita.

Muling tiniyak ni Dar ang sapat na suplay  ng pagkain habang nasa enhanced community quarantine ang buong Luzon. DWIZ 882