(Sa panahon ng ECQ) MALLS SA NCR PLUS MAAGANG MAGSASARA

MAAGANG magsasara ang mga pangunahing mall sa Metro Manila at mga karatig-lalawigan nito na nakapailalim sa NCR Plus bubble

Ito’y makaraang ideklara ng Inter-Agency Task Force (IATF) na muling isasailalim sa enhanced community quarantine (ECQ) ang Metro Manila, Bulacan, Rizal, Cavite, at Laguna sa buong Holy Week.

Matapos ang anunsiyo ng Malakanyang kamakalawa ng gabi, sabay-sabay na nag-abiso ang mga mall sa kanilang social media accounts.

Batay sa kanilang abiso, magsasara ang mga mall ganap na ala-6 ng gabi ngayong araw, Marso 29, kasabay ng ipatutupad na mas pinaagang curfew na tatagal naman hanggang sa Linggo ng Pagkabuhay, Abril 4.

Gayunman, tanging ang mga supermarket, pharmacy, bangko at hardware ang magbubukas sa mga mall habang mahigpit na ipagbabawal ang dine in kahit na al fresco, at sa halip, take out at delivery lamang ang papayagan.

Una nang tiniyak ng Malakaniyang na mananatiling bukas ang mga supermarket at palengke sa ilalim ng ECQ upang mapanatiling matatag ang suplay at presyo ng pagkain. DWIZ 882

Related posts:

(Sa NCR Plus ECQ) WALANG PALUGIT SA LOAN PAYMENTS (Tiniyak ng LTFRB) SAPAT NA PUBLIC TRANSPORT SA NCR PLUS (Sa MGCQ areas) LEISURE TRAVEL MULA NCR PLUS PUWEDE NA (Hanggang Hunyo 30) LEISURE TRAVEL MULA NCR PLUS PINALAWIG (Aprub kay Duterte) DAGDAG NA ECQ AYUDA SA NCR AMBULANT VENDORS BAWAL SA ILALIM NG ECQ (Pinalawig ng BIR sa ECQ, MECQ areas) TAX FILING, PAYMENT  DEADLINE PANUKALA SA PAGPAPALAWIG NG RESTRIKSIYON SANA PAKINGGAN