CAMP CRAME-BINALAAN ng Philippine National Police (PNP) na mahaharap sa kaso ang lahat ng mga grupong magtitipon ngayong nasa National Health Emergency ang buong bansa.
Ito ay matapos ang ginawang public assembly ng 20 miyembro ng Kadamay sa pangunguna ni Jocy Lopez sa Brgy. San Roque sa EDSA, Quezon City noong Abril 1.
Layunin sana ng grupo na magprotesta sa Quezon City governmenr dahil sa mabagal na pamamahagi ng ayuda partikular ng pagkain.
Ayon kay PNP Spokesperson Brig Gen Bernard Banac, umaapela ang PNP sa publiko na manatiling kalmado at manatili sa bahay para masunod ang umiiral na community quarantine nang sa ganu’n hindi mahawaan ng COVID-19.
Sinabi naman ni NCRPO Chief Major General Debold Sinas na naiintindihan niya ang hinaing ng ilang pamilyang kinakapos sa pagkain ngayong panahon pero kailangan pa rin aniya na maghintay ng tulong mula sa gobyerno.
Kinakailangan aniya na bawat isa ay may sarkipisyo para lang hindi mahawaan ng nakakamatay na virus.
Sinabi rin ni Banac na gumagawa na ng paraan ang Pangulong Rodrigo Duterte para matulungan ang mga kinakapos sa pagkain.
Ito ay ang pagbibigay ng cash assistance na hindi na idadaan pa sa mga politiko sa halip mismong DSWD na ang mamimigay nito sa mga nangangailan para maiwasan ang politika. REA SARMIENTO
Related posts:
JACKET HUWAG MUNA SA SONA RALLY
TRABAHO NG OFWs SA HONG KONG ‘DI APEKTADO NG RALLY
80 PINOY CREW NG MV DIAMOND PRINCESS POSITIBO SA COVID-19
85 OFWs NA DINAPUAN NG 2019 CORONAVIRUS DISEASE
PINOY KASAMA SA ‘LUMAYA’ SA CRUISE SHIP QUARANTINE
REPATS NG 140 PINOY MULA MACAU SA MARSO 11 NA
NCRPO AT DOH NAGSANIB PUWERSA VS COVID-19
4 METRO COPS TINAMAAN NG COVID-19
Comments are closed.