MARAMING Pinoy ang inaasahang makikinabang sa ganap na pag-arangkada ng modernisasyon sa mga pampublikong transportasyon sa bansa, ayon sa Department of Transportation.
Sinabi ni DOTr Secretary Jaime Bautista na magandang kaganapan ang pagtugon ng mga local manufacturer ng “iconic” jeepney sa PUV Modernization Program ng pamahalaan.
Pagbibigay-diin niya, mas maraming Pilipino ang mabibigyan ng trabaho sa paglikha ng moderno ngunit orihinal pa ring disenyo ng mga jeepney.
Una nang sinabi ni Bautista na marami nang local manufacturer ng “iconic” jeepney ang nagpahayag ng suporta para gumawa ng mga makabagong bersyon nito na nakasusunod sa pamantayan ng pamahalaan.
Ani Bautista, dahil dito ay hindi lamang makapagbibigay ng ligtas, malinis, at maginhawang biyahe ang ipinagmamalaking jeepney ng Pilipinas kundi mapananatili rin nito ang kasaysayan, gayundin ang kultura ng bansa sa aspeto ng transportasyon.
EVELYN GARCIA
Related posts:
UV MODERNIZATION KAILANGAN PA NG MABUSISING PAGSUSURI
(Hiniling ng Piston sa SC) TRO VS PUV MODERNIZATION
(Sa pagpapatupad ng PUVMP) 64,000 PUJs MAWAWALAN NG PRANGKISA
(Simula sa Pebrero 1) UNCONSOLIDATED PUVs BABAWIIN NA ANG PRANGKISA
(Pinag-aaralan ng LTFRB) TAAS-PASAHE SA JEEP
(Target ipamahagi ngayong Agosto) FUEL SUBSIDIES SA PUV DRIVERS
(Inihirit ng 3 transport groups) ₱5 DAGDAG SA PASAHE SA JEEP
(Simula sa Enero 1) 50K PUJ DRIVERS MAWAWALAN NG TRABAHO