(Sa social media influencers na hindi magbabayad ng buwis) P10-M MULTA, 10 TAON NA KULONG

PILIPINO Mirror
bir

PINAALALAHANAN ng Bureau of Internal Revenue (BIR) ang social media influencers, na kumikita sa kanilang online content, na magbayad ng buwis.

Sa isang imemorandum na inisyu noong Agosto 16 at nilagdaan ni BIR Commissioner Caesar Dulay, ipinaalala sa social media influencers ang kanilang tax obligations at ang posibleng kahinatnan ng hindi nila pagbabayad ng buwis.

“There are also reports that they are not registered with the BIR or are registered under different tax types or line of business but are also not declaring from social media platforms for tax purposes,” nakasaad sa memorandum.

“Whatever may be the reasons, it is now the most opportune time to discuss the tax obligations of these social media influencers,” dagdag pa nito

Ipinaliwanag ng BIR na ang social media influencers ay yaong mga kumikita sa pagseserbisyo bilang bloggers at video bloggers sa social media sites tulad ng YouTube, Facebook, Instagram, Twitter, TikTok, Reddit, at Snapchat.

“Social media influencers are also liable for income tax and percentage or value added tax,” ayon sa BIR.

Sinabi pa ng BIR na ang social media influencers ay “classified for tax purposes as self-employed persons engaged in trade or business as sole proprietors.”

Tinukoy rin ng ahensiya ang Section 23 ng National Internal Revenue Code of 1997, na nagsasaad na “citizens of the Philippines residing therein and domestic corporations shall be taxable on all income derived from sources within and with-out the Philippines.”

Bukod sa income tax, sinabi ng BIR na ang online content creators ay dapat ding magbayad ng business tax.

“Self-employed individuals whose gross sales or gross receipts and other non-operating income do not exceed the VAT threshold of P3,000,000 shall have the option to avail of the 8% tax on gross sales or gross receipts and other non-operating income,” ayon sa BIR.

Ang mga social media influencer na hindi magbabayad ng buwis ay mahaharap sa parusang pag-mumulta ng P500,000 hanggang P10 million at pagkabilanggo na hindi bababa sa anim na taon subalit hindi hihigit sa 10 taon.

Related posts:

Undersecretary Benny AntipordaMAS MABIGAT NA MULTA SA GARBAGE-SEGREGATION VIOLATORS Agriculture Secretary William Dar-4(Sa abusadong food traders, retailers) 15 TAONG KULONG, P2-M MULTA Grocery Delivery Services12 YEARS NA KULONG, P.1-MULTA SA MAGKAKANSELA NG FOOD AT GROCERY DELIVERIES bir(Sinisilip ng BIR) BUWIS NG 250 SOCMED INFLUENCERS NPC-1(Ibinabala ng NPC) KULONG, MULTA SA SELLERS NG REGISTERED SIMs IMPORTED RICE-2(Isinusulong sa Kamara) 30 TAONG KULONG, P100-M MULTA SA RICE HOARDERS

2 thoughts on “(Sa social media influencers na hindi magbabayad ng buwis) P10-M MULTA, 10 TAON NA KULONG”

Comments are closed.