(Sa title unification bout sa Agosto) DONAIRE VS CASIMERO

PINOY vs Pinoy.

Kinumpirma ni newly-crowned WBC bantamweight titlist Nonito Donaire Jr. ang bakbakan nila ni fellow Filipino puncher Johnriel Casimero sa isang unification bout na gaganapin sa Agosto 14 sa Carson, California (Agosto 15 sa Manila).

Unang iniulat ni Mike Coppinger ng The Athletic ang naturang bout, sa pagsasabing pinalitan ng  38-year-old orthodox si Guillermo Rigondeaux para i-unify ang 118-pound titles kay Casimero.

“Two massive punchers; both Filipinos. Fittingly bout headed to War Grounds in Carson, California. Showtime main event,” sabi ni Coppinger sa kanyang post.

Kinumpirma ni Donaire ang report tatlong oras makaraang ilabas ito sa pamamagitan ng kanyang sariling tweet.

“My team does magic. Thank you to Richard Shaefer, Rachel Donaire, PVC, TGB and Showtime. Started camp last week. Belt #2 coming soon,” pahayag ni Donaire sa isang post na may kasamang litrato nila ni Casimero.

Si Donaire, may rekord na 41 wins, 6 losses at 27 knockouts, ay galing sa pagbawi sa WBC title sa pamamagitan ng fourth-round knockout kay Nordine Oubaali, na nalasap ang kanyang unang talo tungo sa 17-1 record na may 12 knockouts.

Samantala, nakopo ng 32-anyos na si Casimero ang kanyang WBO title noong 2019 via technical knockout kontra Zolani Tete ng South Africa. Nadepensahan niya ito noong nakaraang taon laban kay Duke Micah ng Ghana via isa pang­TKO.

Related posts:

WBA CROWN KAY DONAIRE WBA TITLE NAPANATILI NI DONAIRE WBA TITLE NAPANATILI NI DONAIRE CASIMERO SA PSA FORUM MALAKING LABAN, MALAKING KITA KAY CASIMERO DONAIRE DUDA SA POSITIVE COVID-19 RESULT (French boxer KO) DONAIRE WORLD CHAMP ULIT DONAIRE SWAK SA PROBELLUM