TUMAAS ang rice imports ng bansa sa unang dalawang buwan ng taon, ayon sa datos mula sa Bureau of Plant Industry (BPI), isang attached agency ng Department of Agriculture (DA).
Sinabi ng BPI na nakapag-angkat na ang bansa ng mahigit 569,000 metric tons ng bigas ngayong taon, na mas mataas ng 44 percent kumpara sa 394,553 MT sa kaparehong panahon noong nakaraang taon.
Mahigit sa 424,000 MT ang dumating noong Enero, habang mahigit 144,000 MT ang dumating sa first half ng Pebrero..
Mas maliit pa rin ito sa 2.4 million metric tons ng rice imports na inaasahan sa unang dalawang buwan ng taon.
Naunang sinabi ng BPI na ang arrivals ay karaniwang mas mababa sa inaasahang volume dahil ilang shipments ang nade-delay.
Tiniyak din ng DA na may sapat na suplay ng bigas ang bansa upang tugunan ang pangangailangan hanggang sa susunod na harvest season.
Subalit sinabi ng ahensiya na nais nitong umangkat pa dahil sa banta ng El Niño sa rice production.
Hindi pa ganap na nakikita ang epekto ng El Niño sa production volume, ngunit sinabi ng DA na inaasahan nilang napakaliit lamang nito.
Related posts:
(Tiniyak ng DA) SUPLAY NG MURANG BIGAS SAPAT
(Sa pagtaya ng USDA) PH AANGKAT NG 3.9M MT NG BIGAS
(Ibigay sa minamahal ngayong Valentine’s Day) BIGAS SA HALIP NA ROSAS
(Inaasahan sa mga susunod na linggo) P44-P46 KADA KILO NA BIGAS
(Sa Veggie connect ng Kadiwa) 160 TONS NG GULAY IBEBENTA NG DA
LAGUNA LAKE BUBUKSAN SA AQUACULTURE BUSINESS
(Noong 2023) PH AGRI OUTPUT NAKABAWI
MGA BABOY SA 3 BAYAN SA OCC. MINDORO NEGATIBO SA ASF