Hindi ba at makailang ulit na sa Biblia ay sinasabi ..
Sisingilin ang mga mapagpaimbabaw at mapang- api?
Ang mga taong ganid at sa sarili ay mapagmapuri….
Hahatulan lahat batay sa kanyang ginagawa parati.
Ang Salot ay darating nang walang pasintabi…
Ipaparamdam ng Diyos ang kanyang Ganti.
Huwag kang mabahala sa nangyayari Kapatid,
katotohanan ito magaganap at mangyayari.
Ang mga Lider na mapagkunwari…
Mararamdaman nila ngayon ang hapdi.
Ang paghahangad nilang magpayaman
Sukdulang kunin ang para sa may lugami,
Sila ngayon ang unang makakaramdam
Kakaiba ang Ganti ng Diyos, sa luha sila mahihilam…
Ang mga mapagpaimbabaw at mapagmagaling,
nalalapit na rin na sila ay sisingilin…
Ang mga nagdurusa sa hirap at walang makain…
Huwag kayong mangamba ang Diyos sa inyo ay maghahain.
Samantalang ang mga nagkukunwang mabuti at mabait,
Nararamdaman na nila ngayon ang pait at sakit…
Kapag lahat tayo ay nagwakas na,
sa oras ng pagsusulit…
ang inipon nilang bultong salapi ang kanila ngang magagamit
ito ang …sa kaluluwa nila ang magliliyab,magpaparikit!