QUEZON – SUGATAN ang dalawang pulis makaraang bumangga sa isang puno ang sinasakyan nilang kulay maroon na Toyota Revo (SUV) na may plakang TWG-360 nitong Huwebes ng gabi sa matarik at kurbadang daan sa may bahagi ng Barangay San Roque, bayan ng Catanauan.
Kinilala ang mga biktima na sina Staff Sgt. John Herbert Corona, 41-anyos na siyang nagmamaneho ng sasakyan at ang mga pasahero na sina Staff Sgt. Mira Loren, 42-anyos, Staff Sgt. Neil Ian Nieves, 44-anyos at Corporal Dustin Delo, 29-anyos, pawang mga naka-assigned sa Intelligence at miyembro ng Mulanay Municipal Police Station.
Base sa report ng Catanauan Municipal Police Station, patungo ng Buenavista-Catanauan Road ang sinasakyan ng apat na pulis nang mangyari ang aksidente at nagtamo ng malubhang pinsala sa katawan si Loren habang nagkaroon naman ng minor injury si Delo at masuwerte naman na hindi gaanong nasaktan sina Nieves at Corona.
Agad na dinala sa Bondoc Peninsula District Hospital si Loren dahil sa mga tinamong sugat sa iba’t ibang parte ng katawan bago inilipat sa MMG Hospital sa Lucena City na kasalukuyang nasa ICU.
Ayon naman kay Mulanay PNP OIC Chief of Police Major Joseph Ian Java, magsisilbi sana ng warrant of arrest ang kanyang mga tauhan sa isang suspek na may kasong attempted murder na nagtatago sa bayan ng Catanauan nang mangyari ang aksidente.
BONG RIVERA
Related posts:
PINAKAMALAKING WINDMILL ITATAYO SA QUEZON
KARAMBOLA NG 3 SASAKYAN: 5 PASAHERO UTAS, 4 SUGATAN
NAGPANGGAP NA HUMIHINGI NG TULONG, HOLDAPER PALA
2 TODAS, 1 SUGATAN SA INSIDENTE NG PAMAMARIL
OBRERO TODAS SA PAMAMARIL
KAMBOLA NG 3 SASAKYAN: 4 PATAY, 7 SUGATAN
HOLDAPER NAKATANGAY NG 3 PARCELS SA LBC
WANTED TIKLO HABANG KUMUKUHA NG POLICE CLEARANCE