ALBAY – MULING nagpaalala ang Philippine National Police (PNP) sa mga bakasyonista gayundin sa mga driver na siyasating mabuti ang gagamiting sasakyan bago maglakbay.
Ang paalala ay ginawa ng pulisya matapos na magkarambola ang pitong sasakyan sa kahabaan ng kalsada sa Barangay Kimantong, Daraga.
Sinabi ni Maj. Rodelon Betita, hepe ng Daraga PNP, biyaheng Sorsogon-Legazpi ang bus na minamaneho ni Joven Luz, 42, subalit nawalan ng preno sa pagsapit sa lugar.
Bunsod nito, kinain ng bus ang kabilang lane at nagtuloy-tuloy na inararo ang mga nakaparadang sasakyan na kinabibilangan ng isang kotse, tatlong motorsiklo at dalawang tricycle.
Sumagi rin ang bus sa pader ng bahay na pagmamay-ari ng pamilya Galicia.
Samantala, malaking pasasalamat naman ng drayber ng bus maging ng pulisya na walang ibang nasaktan sa naturang insidente.
Muling nag-abiso ng pag-iingat ang hepe lalo na kung dadaan sa mga accident prone areas at iparada ang sasakyan sa tamang lugar. EUNICE C.
Related posts:
OVERALL CHAIRMAN NG CPP-NPA TUMBA SA JOINT AFP-PNP OPERATION SA BAGUIO
P2.5-B SHABU NAKUMPISKA SA RAID NG PNP-DEG
JUETENG SA ALBAY PINAAAKSIYUNAN SA PNP
DATING PULIS, 2 PA TUMBA SA PNP-AKG
P6-M SHABU NASAMSAM NG PDEA AT PNP
CHIEF OF POLICE INARESTO NG PNP-IMEG
WANTED, 10 DRUG SUSPECTS TIKLO SA PNP
MIYEMBRO NG PNP-HPG HULI SA DROGA
Comments are closed.