INAASAHAN ang isang “bigtime” rollback sa liquefied petroleum gas (LPG) sa pagpasok ng Disyembre.
Nauna nang nag-abiso rito ang kompanyang Eastern Petroleum, na nagsabing ipatutupad ang kanilang rollback sa Sabado, Disyembre 1.
Anila, hindi bababa sa P5 kada kilo ang maaari nilang itapyas o P55 sa isang 11-kilong tangke.
Maaari pa raw itong madagdagan depende sa takbo ng trading.
Wala pang anunsiyo ang ibang kompanya ng langis.
