ISABELA -PATAY na nang matagpuan sa bayan ng Enrile, Cagayan ang missing school principal ng Santo Tomas.
Ayon kay PMaj. Rufo Figarola Jr., hepe ng Santo Tomas Police Station, hindi nila isinasantabi o kinukumpirma na posibleng ‘suicide’ incident ang nangyari sa biktimang si Helen Rolan, 53 anyos, may asawa, isang School principal at residente ng Brgy. Barumbong sa nabanggit na bayan matapos na matagpuan ang kanyang bangkay sa ilog na sakop ng Enrile.
Una rito, nagpaalam sa kanyang anak at asawa na magwi-withdraw ito ng pera gamit ang kanyang Toyota Vios ngunit bandang alas-7:00 ng gabi ay hindi na matawagan pa ang biktima kaya’t kinabukasan, Enero 28 ng ipagbigay alam ng kapatid ng biktima sa himpilan ng pulisya na nawawala ang nasabing biktima.
Nabatid na nagtangka na ring magpakamatay ang biktima sa pamamagitan ng pag-inom ng kemikal ngunit ito ay naagapan at nailigtas.
Binigyang diin rin ni Figarola, na walang anumang indikasyon na may foul play sa pagkamatay ng biktima.
Aniya, ang sinasabing pera na nai-withdraw ng biktima at kanyang ATM card ay iniabot nito sa kanilang kapitbahay upang ibigay sa kanyang anak.
Dahil dito, patuloy pa rin ang ginagawang imbestigasyon ng mga awtoridad hinggil sa insidente.
EVELYN GARCIA
Related posts:
100 PANABONG NAPESTE SA ISABELA
LOCALIZED PEACE TALKS APRUB SA ISABELA
P100-M ILALAAN SA DRYING FACILITIES NG MAGSASAKA SA ISABELA
ISABELA ‘ALLERGIC’ NA SA PLASTIK
SCHOOL PRINCIPAL NANG-SMACK NG STUDE KALABOSO
LIBO-LIBONG RESIDENTE SA ISABELA LUMIKAS SA BAHA
STATE OF CALAMITY SA ISABELA, CAGAYAN
GIYERA SA COVID-19 IKA-KASA SA ISABELA