MAGUINDANAO DEL SUR- ISANG school principal ng pampublikong paaralan ang nasawi makaraang pagbabarilin ng hindi pa nakikilalang mga suspek nitong Lunes sa Barangay Manungkaling, Mamasapano.
Sa ulat ng Mamasano Police, nakilala ang biktima na si Mamadatu Dalandas, principal ng Datu Tecson Elementary School sa Sultan sa Barongis.
Minamaneho ng biktima ang kanyang motorsiklo patungo sa paaralan nang paulanan ito ng bala ng hindi nakikilalang mga kalalakihan.
Si Dalandas ang ikalawang school official na nasawi sa pananambang sa loob lamang ng dalawang buwan sa lugar.
Iniutos na ni Bangsamoro Autonomous Region Police Director Brig. Gen. Allan Nobleza na tutukan ang pag-iimbestiga sa kaso.
EUNICE CELARIO
