MALABON CITY – KULUNGAN ang kinasadlakan ng isang security guard at 41-anyos na babae na kapuwa umano drug user matapos mahulihan ng shabu.
Kinilala ni Malabon police chief Sr. Supt. Jessie Tamayao ang mga naarestong suspek na sina Roland Odonzo, 47, ng Consuelo St., Brgy. Acacia at Rosanna Tarang, 41, ng 130 Mangustan Road, Brgy. Potrero.
Lumabas sa imbestigasyon, dakong alas-2:50 ng hapon, nagpapatrolya ang mga tauhan ng Malabon Police Community Precicnt (PCP) 2 na sina PO1 Jayron Dela Cruz at PO1 Jefferson Torte sa kahabaan ng University Ave., Brgy. Potrero nang mapansin ang mga suspek na abala umano sa pagbubusisi ng dalawang plastic sachet.
Kapuwa inaresto ang mga suspek at nakumpiska sa mga ito ang dalawang plastic sachet na naglalaman ng hindi pa matukoy na halaga ng hinihinalang shabu. EVELYN GARCIA
Comments are closed.