SEN.GO, NAGHATID NG TULONG SA SECTORAL GROUPS SA LAS NAVAS, NORTHERN SAMAR

NAGHATID  ng tulong ang grupo si Sen. Christopher Bong Go, chairman ng Senate Committee on Health and Demography sa mga residente ng Las Vagas, Nothern Samar.

Hinikayat din ni Go ang local leaders na tumulong sa pagpapataas ng public awareness at kumpiyansa ng mga mamamayan sa bakuna upang maprotektahan ang komunidad mula sa COVID-19.

Sa kanyang video message sa distribution activity sa Las Navas, hinikayat din ni Go ang mga national at local authorities na pabilisin ang vaccine rollout para masiguro na maging ang mga residente mula sa malalayo at liblib na lugar ay mababakunahan.

“Hindi biro ang magkasakit sa panahong naghihirap pa rin ang ating ekonomiya. Mas lalong hindi biro kung kailangang tubuhan ka para makahinga habang mag-isa kang lumalaban na wala po ang iyong pamilya sa iyong tabi,” ayon kay Go.

Nabatid na inorganisa ng mga staff ni Go ang distribution event sa Las Navas Municipal Gymnasium at hinati ang may 107 beneficiaries mula sa iba’t ibang sectoral groups sa mas maliliit na batch habang tinitiyak na istriktong nasusunod ang safety at health protocols upang maiwasan ang posibleng hawahan ng COVID-19.

Matapos ito ay nagkaloob ang outreach team ng mga pagkain, masks, face shields, at vitamins habang may ilang piling recipients din ang nabigyan ng bisikleta, bagong pares ng sapatos at computer tablets.

Samantala, hinikayat ng senador ang mga residente na may health concerns na bumisita sa Malasakit Center sa Northern Samar Provincial Hospital, na matatagpuan sa bayan ng Catarman para madaling makapag-avail ng medical assistance programs ng pamahalaan.

Matatandaang si Go ang nagsulong para maipasa ang batas para sa pagpapatayo ng mga Malasakit Centers sa bansa, na isang one-stop shop kung saan kumbinyenteng makakapag-aplay ng government aid ang mga mahihirap na mamamayan para sa kanilang hospital at iba pang medical related expenses.

Related posts:

ANOMALYA, KORUPSIYON IREPORT-SEN. GO SEN. GO SA DOLE AT DTI: HANAPAN NG PANGKABUHAYAN ANG MGA NAWALAN NG TRABAHO SEN. GO, MAY ORAS PA RIN SA MGA BIKTIMA NG SUNOG AT KALAMIDAD STATE OF CALAMITY SA NORTHERN SAMAR DAHIL SA FLASH FLOODS