SENIORS, PWDs UUNAHIN SA NATIONAL ID 

PILIPINO Mirror
SENIOR-PWDs

TINATAYANG aabot sa 25 milyong  Filipino ang mapagkakalooban  ng National ID sa susunod na taon subalit sa kagustuhan ng pamahalaan na mapabilis ang pagbibigay serbisyo ng gobyerno sa mga maralita ay bibigyang prayoridad ang mga senior citizen, person with disabilities (PWDs) at ang mga benepisyaryo ng conditional at unconditional cash transfers.

Ito ay oras na lumabas na ang Implementing Rules and Regulation para  tuluyan nang maipatupad ang Philippine Identification System (PhilSys) o national I.D. system.

Ayon kay National Statistician at Philippine Statistics Authority (PSA) chief Lisa Grace Bersales, ang mga nabanggit ay kanilang uunahing mabigyan ng National I.D.

Inaasahang  matatapos na sa susunod na buwan ang IRR ng  inaprobahang  batas na ganap na naging epektibo nitong Sabado, Agosto 25.

Target na mailabas ng  PSA ang  IRR sa buwan ng Oktubre upang mapasimulan na ang e pilot registration ng tinatayang isang milyong  households hanggang buwan ng Disyembre at 25 milyon sa susunod na taon.

Sa kalkulasyon ay aa­butin ng apat na taon upang ganap na mairehisro  at mapagkalooban ng ID ang lahat ng Filipino o kabuuang populasyon ng Filipinas.

“The PHILSYS is entirely independent system from the civil registry system,” ani Bersales na naniniwalang sa darating ng mga taon ay tuluyan nang mababalewala ang mga government issue ID gaya ng SSS, GSIS, Philhealth at BIR TIN ID maliban sa mga functional identification gaya ng driver’s license at passport.

Samantala, inihayag ni Bangko Sentral ng Pilipinas Governor Nestor Espenilla na malaki  ang papel na gagampanan ng National ID System sa ekonomiya ng bansa gaya halimbawa ng nililikhang  digital highways para mailapit ang financial services sa mas nakararaming  Filipino.

“The National ID is very important. In fact we’ve always identified that as a key element that will actually fast track everything and for that purpose the BSP actually has been an active collaborator with the other government agencies in getting this law enacted,” pahayag pa ng BSP governor.

“Now with technology and the fact that a lot of our people are very digital savvy, particularly with the mobile phone, that’s a great opportunity to be able to deliver financial services,” ani  Espenilla.     VERLIN RUIZ

Related posts:

NATIONAL IDENTIFICATIONBENEFICIARIES NG CCT UNA SA NATIONAL ID DICT Undersecretary Eliseo Rio-1TEST PERIOD SA NATIONAL ID SISIMULAN SA SETYEMBRE Senador Panfilo LacsonBUDGET PARA SA NATIONAL ID SYSTEM KUNIN SA PROGRAMA NG DENR Senate President Vicente Sotto IIINATIONAL ID SYSTEM IPATUPAD NA NCRPO-chief-Director-Guillermo-EleazarPAGLIKHA NG NATIONAL ID TULOY TULOY, PSA WORKERS EXEMPTED SA HOME QUARANTINE Harry Roque(Sa Year 2022) LAHAT NG PINOY MAISASAMA NA SA NATIONAL ID SYSTEM Rosalinda BautistaMAHIHIRAP MAKIKINABANG SA NATIONAL ID SYSTEM ATTY HARRY ROQUEDAGDAG NA P3.4B APRUB KAY DU30 (Para sa national ID system)

Comments are closed.