(Series deficit tinapyas sa 2-1) CLIPPERS PINALUBOG ANG SUNS

GINAPI ng Los Angeles Clippers ang Phoenix Suns, 106-92, sa Game 3 upang kunin ang kanilang unang panalo sa NBA Western Conference Finals noong Huwebes (Biyernes sa Manila).

Tinapyas ng Clippers ang deficit sa best-of-seven series sa sa 2-1.

Nanguna si Paul George para sa Los Angeles na may 27 points, 15 rebounds, at 8  assists habang nagdagdag si Reggie Jackson ng 23, kabilang ang malalaking tira sa fourth quarter.

Nakalikom si Ivica Zubac ng 15 points at 16 rebounds habang nag-ambag si Terance Mann ng 12 points.

Kumamada si Deandre Ayton ng 18 points at 9 rebounds upang pangunahan ang Phoenix. Nagdagdag si Devin Booker ng 15 points at tumirada si Chris Paul, naglaro sa unang pagkakataon sa series, ng 15 points at 12 ssists.

Lumamang ang Clippers sa second half makaraang tumipa sina George at Terance Mann ng tig-10 points sa third quarter. Tinapos nila ang third period na abante sa 80-69.

Sa tulong ng bench ng Clippers ay pinalobo nila ang kalamangan sa 18 points, 89-71, may 10:16 ang nalalabi.

Subalit bumanat ang Suns ng 12 unanswered points, kabilang ang dalawang buckets mula kay Deaandre Ayton, upang makalapit sa anim na puntos, 89-83.

Gayunman ay kumana si Jackson ng back-to-back shots bago isinalpak ni George ang dalawang free throws upang ilagay ang talaan sa 96-83. Patuloy na nakihamok ang Phoenix ngunit laging may sagot ang Los Angeles sa bawat basket sa mga huling minuto.

Ang Clippers ay naglaro na wala pa rin si star forward Kawhi Leonard, na may sprained right knee. Lumiban siya sa huling limang laro ng koponan.

Related posts:

SUNS PINALUBOG NG CLIPPERS SUNS NAKAUNA SA CLIPPERS; SIXERS SILAT SA HAWKS NAIL-BITER (alley-oop dunk ni ayetano sa huling segundo nagbigay sa suns ng 2nd win vs clippers) SUNS LUMAPIT SA NBA FINALS BUHAY PA ANG CLIPPERS BUZZER-BEATER (3-pointer ni Barnes binuhat ang Kings vs Suns) WARRIORS PINALAMIG ANG SUNS SUNS PINASO ANG WARRIORS