SERVICE BUS MUNTIK NG MAHULOG SA BANGIN

BATAAN- ISANG bus ang muntikan ng mahulog sa matarik na bangin kahapon sa Zigzag Road National Highway, Mariveles.

Ayon sa ilang mga motoristang nakakita sa aksidente, bumulusok daw ang bus na nagpaekis-ekis hanggang sa sumadsad sa bakal na nakaharang sa daan (metal barrier)  na hangganan ng matarik na bangin.

Nabatid na wala pang sakay na pasahero ang service bus  na naghahatid at sumusundo ng mga manggagawa sa mga pabrika na nasa loob ng Freeport Area of Bataan (FAB).

Posible umanong nawalan ng giya ang bus kaya posible umanong hindi na nakontrol ng driver ang pagbulusok nito na mabuti na lang at hindi tuluyang nalaglag sa mataas at matarik na bangin. ROEL TARAYAO