CEBU – LIBO-LIBONG halaga ng sex toys, pornographic paraphernalia at viagra mula sa China ang nasabat ng mga tauhan ng Bureau of Customs sa isang pasahero na dumating sa Mactan Cebu International Airport, kamakailan.
Sa ulat ni Customs District Collector Elvira Cruz, kabilang sa nasamsam sa bagahe ng pasaherong si Coleman Timothy Philip ay isang kahon ng Viagra, 18 vibrating spears, 8 vibrating dildos, 20 silk body lubricants, 6 battery ng sex toys, 4 pakete ng body stockings at iba pa.
Ayon kay Customs examiner Evelyn Marzano, hindi idineklara ng pasahero ang nilalaman ng kanyang bagahe subalit nang buksan at suriin ay lumantad ang mga prohibited items.
Gayunpaman, pinayagang makaalis ang pasahero dahil paglabag lamang sa Customs Modernization and Tariff Act o illegal items.
Nagpalabas naman ng warrant of seizure and detention laban sa ipinagbabawal na items base sa Section 1113 ng Customs Modernization and Tariff Act.
Kasalukuyang nasa BOC ang illegal items kung saan hinihintay na lang ang disposition para wasakin ang mga ito. MHAR BASCO
Comments are closed.