PINAIIWAS muna ng Department of Health (DOH) ang publiko sa pakikipagkamay at pakikipagbeso-beso sa ibang tao bilang pag-iingat sa gitna na rin ng banta ng novel coronavirus (2019-nCoV) mula China.
Ayon kay Health Secretary Francisco Duque III, makabubuting iwasan muna ang mga nabanggit na tradisyon na pagbati sa kapwa lalo na’t may mga binabantayan silang posibleng kaso ng nCoV sa bansa.
Nagbiro rin ang kalihim na ang pinakamalapit lamang na maaaring gawin bilang pagbati ay ang pag-fist bump.
Pinayuhan din ni Duque ang publiko laban sa pagkain ng mga hindi lutong karne o mga kinilaw.
Sinabi ni Duque, kinakailangang matiyak na wasto ang pagkakaluto sa mga karne lalo na’t nagmula ang virus sa mga hayop na nailipat lamang sa mga tao.
Pumalo na sa 80 ang nasasawi sa nCov.
Nakapagtala rin ng 400 bagong kaso nito sa China kaya’t lumobo pa sa mahigit 2,000 ang kaso nito.
Inamin ni Chinese Health Minister Ma Xiaowei na tumataas ang kakayahan ng nasabing virus na mabilis na kumalat.
Patuloy rin ang pag-akyat ng bilang ng mga bansang mayroong kumpirmadong kaso ng novel coronavirus tulad ng Canada, France, Amerika, Nepal, Thailand, Malaysia, Singapore, South Korea, Japan, Taiwan, Hong Kong, Macau, Vietnam at Australia. DWIZ882
Related posts:
PANAWAGAN NG DOH: MAG-DONATE NG DUGO
AWARD OF EXCELLENCE NASUNGKIT NG SANITATION CAMPAIGN NG DOH
TRI-BEAUTY PAGEANT INILUNSAD VS AIDS
P35-B BUDGET CUT SA DOH
DOH HINIMOK ANG PUBLIKO: I-DONATE ANG ORGAN NG MGA NASAWI
CHECKUPS SA DOKTOR PUWEDE NA KAHIT NASA MALAYO
HEALTH CONDITION NG PANGULO ‘DI DAPAT IKABAHALA-DOH
ECG AT ULTRASOUND TRAINING SA 80 HEALTH WORKERS, NURSES
Comments are closed.