SHARON AT KC NAGKAAYOS NA, NAGPALITAN NG HUGOT LINES

MADALAS may hugot lines noon si Megastar Sharon Cuneta sa pa­nganay na anak na si KC Concepcion, lalo na kung may mga okasyon na hindi nila nakakasama ang anak. Kaya umani ng maraming likes ang posts ng mag-ina nang magkasama sila sa isang reunion.  Si Sharon nag-post pa ng picture nilang magkasama noong bata pa si KC. Si KC naman, nag-post ng picture nilang mag-ina na sweet na sweet sa nasabing okasyon.

Post ni Sharon: “Each of our kids has their own individual, distinct scent, right? When you have missed the scent of your eldest child’s skin… hair…haaay, sarap to see and feel and smell my daughter again!”

Sinagot naman ito ng mas sweet na post ni KC:

“Mama & I may have a 19 year gap, I may have come to her life too early, or even unexpectedly, and we may have all our differences, but: @reallysharoncuneta You will always be my first valentine, my first best friend, my 1st hero. All I want is to see you laugh and smile.  At the end of the day, I will always want you to feel that having me was worth it.  And above all, I know I will always choose LOVE. #TheKCDiaries

Ngayong kakandidatong mayor ng Pasay City ang brother ni Sharon na si Chet Cuneta, ninong ni KC, mukhang mapadadalas ang pagsasama ng mag-ina to support Chet.

VICO SOTTO NATUWA NANG MAKITANG NAGSAYAW ANG INANG SI CONEY

NAKAKATUWA si Pasig City Councilor Vico Sotto nang makita ang mommy niyang si Coney Reyes na sumasayaw ng number one dance craze ngayon na Bhoom Bhoom ng Momoland.

Post ni Coun. Vico, “why is Mama doing d Bhoom Bhoom? MOMOLAND goes MAMALAND.  Wow wow! #Victor Magtanggol.”

Kuha ang pagsayaw ni Ms. Coney Reyes habang naghihintay ang buong cast ng pictorial  ng kanilang action-drama-fantasy na “Victor Magtanggol.” Nagkatuwan ang cast na sumayaw ng Bhoom Bhoom sa tune ng “Superhero Mo,” ang official soundtrack ng telefantasya, na inawit ni Alden kasama ang Ex-Batallion.

Pinangunahan  ni Alden Richards ang pagsayaw, then si Coney nga, ang child star na si Yuan Francisco, Cheena Ortaleza, si Eric Quizon, Andrea Torres, Maritoni Fernandez, Kristoffer Martin, Lindsay de Vera, Reese Tuazon, Pancho Magno.

Umabot na ito ng libo-libong likes and shares.

Ang “Victor Magtanggol” ay mapanonood na simula sa Hulyo 30, 2018, sa GMA Telebabad.

ANNE CURTIS MAGANDA ANG 21ST ANNIV CELEBRATION DAHIL MAY DALAWANG PELIKULA

ANG ganda ng 21st anniversary celebration ni Anne Curtis sa showbiz dahil dalawang malaking movies ang nagawa niya this year, ang “Sid & Aya” at sa Agosto 1, ang pinag-uusapang action movie niyang “Buy Bust,” na pawang magaganda ang reviews na natatanggap nito.

Kababalik lamang ni Anne mula sa pag-attend ng world premiere ng movie sa New York Asian Film Festival kasama sina Brandon Vera, Direk Erik Matti at Dondon Monteverde.  Nabigyan din ito ng Grade A ng Cinema Evaluation Board (CEB).

Sa Agosto rin ang final concert niyang “Anne Kulit: Promise Last na ;To” sa Araneta Coliseum. Bibigyan din niya ng oras ang “Aurora,” na entry ng Viva Films sa coming Metro Manila Film Festival 2018.