KAMATAYAN ang sinapit ng isang motorcycle rider nang tangkaing paslangin ang dalawang pulis sa Riverbanks Mall sa Marikina City kahapon.
Ayon sa Eastern Police District, kinilala ang dalawang nasugatang pulis na sina Police Executive Master Sergeant Demetrio Sarita Magpali Jr. at Police Master Sergeant Edward Yap.
Sakay ng dalawang motorsiklo ang mga pulis at binabaybay ang A. Bonifacio Avenue nang bigla silang paputukan ng suspek na sakay rin ng motorisklo sa bahagi ng bukana ng mall sa Brgy. Barangka.
Hindi pa nakikilala ang suspek na kakasuot ng asul na shorts at t-shirt na dead on the spot.
Dinala naman sa ospital ang dalawang pulis.
Agad namang rumesponde at nag-inspeksyon sa pinangyarihan ng shootout si NCPRO acting chief Brig. Gen. Debold Sinas. PILIPINO MIRROR REPORTORIAL TEAM
Comments are closed.