TULUYANG binawian ng buhay ang isang siklista matapos na masagi ang ulo at katawan nito sa isang nakaparadang kotse habang nakasabit siya sa truck para mapabilis ang takbo nito kamakalawa ng hapon sa Sta.Cruz, Maynila.
Isinugod pa sa Gat Andres Bonifacio Memorial Medical Center subalit idineklarang patay ang biktimang si Adelino Pagtama.
Samantala, sumuko naman ang driver ng trailer truck na may plakang ABC-7376 na si Emmanuel Mateo.
Sa imbestigasyon ng Manila District-Traffic Enforcement Unit, naganap ang insidente dakong ala-1:30 ng hapon sa panulukan ng Antipolo at Ipil Street, Sta. Cruz.
Bago ang insidente ay sumabit sa duluhang steel bumper ng trailer truck si Pagtama para bumilis ang takbo niya sakay ng bisikleta.
Pagsapit sa Antipolo St. ay nasagi siya sa isang light blue na Honda City sedan (ZMA 493) na nakaparada sa gilid ng kalsada kaya ito tumilapon ang biktima.
Nakatakda naman sampahan ng kasong Reckless Imprudence Resulting in Homicide at Damage to Property ang mga sangkot sa insidente. PAUL ROLDAN
Related posts:
TRAK VS.JEEP,20SUGATAN
BIKE VS TRAK: 2 APO, LOLO BULAGTA
DELIVERY BOY NASAGASAAN NG TRUCK
MISTER PATAY SA TRACTOR HEAD TRUCK
PAHINANTE NAATRASAN NG KILLER TRUCK
22 TRUCK AT 2 BUS IDENEPLOY NA NG PHILIPPINE ARMY PARA SA MGA STRANDED HEALTH WORKERS
3 TRUCK NAGKARAMBOLA 4 BULAGTA
MOTORCYCLE, BIKE LANES SA SUCAT ROAD SINIMULAN NA
Comments are closed.