NAKATAKDA nang simulan sa susunod na linggo ang paniningil ng toll sa Section 1 ng NLEX-SLEX Connector Road Project.
Ayon sa Toll Regulatory Board (TRB), ang paniningil ng toll ay sisimulan sa Agosto 8.
Nabatid na binigyan ng TRB ang NLEX Corporation ng go signal o ng Notice to Start Collection para mangolekta ng Fractional Opening Base Toll Rates para sa Section 1 ng NLEX-SLEX Connector Road Project o expressway sa pagitan ng C3-Road/5th Avenue sa Caloocan City at ng España Boulevard sa Maynila, na may limang kilometro ang haba.
Alinsunod sa inaprubahang toll rates ng TRB, ang Class 1 vehicles ay magbabayad ng ₱86; ₱215 naman para sa Class 2 vehicles; at ₱302 para sa Class 3 vehicles.
Anang TRB, ang bagong toll road ang kauna-unahang magpapatupad ng 24/7 barrier-free Electronic Toll Collection System.
Kaugnay nito, hinihikayat ng TRB ang lahat ng expressway users na gumamit ng RFID, hindi lamang sa NLEX-SLEX Connector Road Project, kundi maging sa lahat ng iba pang expressways na kanilang daraanan.
-EVELYN GARCIA
Related posts:
(Simula sa Mayo 18) TAAS-SINGIL SA NLEX TOLL
(Simula sa Hunyo 15) TOLL FEE SA NLEX TATAAS
(Apela sa TRB, NLEX) TOLL HIKE IPAGPALIBAN
PAGSASAAYOS NG KALIDAD NG SERBISYO AT IMPRASTRAKTURA HANGAD NG NLEX
LIGTAS AT MABILIS NA PAGLALAKBAY, INAASAHANG IDUDULOT NG BAGONG CANDABA VIADUCT
(Ipagkakaloob ng LTFRB sa Agosto) P6K FUEL SUBSIDY SA PUV DRIVERS
BAGONG SINGIL SA NLEX HIGIT NA MAS MABABA KUMPARA SA INFLATION RATE NG BANSA
(Simula na sa Agosto 2) TAAS-PASAHE SA LRT-2