Upakan na!
Ito ang hamon ni Senador Ronald ” “Bato” dela Rosa sa Philippine National Police ( PNP) sa naglipanang mga mandurukot ng mga bata at kabataan.
“Dapat maging agresibo ang PNP. Upakan ang mga kriminal, sindikato. Meron naman silang intelligence.They should do the preventive action,” ani dela Rosa sa isang press conference.
Kumbinsido si dela Rosa na kulang sa asim o pagiging agresibo ang kapulisan para sawatain ang nga naturang kriminal.
“Hindi takot ang mga kriminal sa PNP dahil kung takot bakit sila gumagawa ng krimen,” banggit niya.
“Pag patulog tulog ang mga pulis walang mangyayari, maglilipana talaga ang mga kriminal,” dagdag pa ng senador.
Si dela Rosa na dating PNP chief ay nagsabi na kung magsasagawa na ng imbestigasyon ang Senado malalaman ang tunay na sitwasyon sa likod nito. LIZA SORIANO