PORMAL na inanunsiyo ng Philippine National Volleyball Federation (PNVF) ang powerhouse lineup ng Philippine Women’s National Volleyball Team na sasabak sa Asian Volleyball Confederation (AVC) Challenge Cup na gaganapin sa May 22-29 sa makasaysayang Rizal Memorial Stadium.
Sa isang press conference, sinabi ni PNVF president Tats Suzara na ang koponan ay pangungunahan nina Sisi Rondina ng Choco Mucho, Jia De Guzman ng Creamline, at Eya Laure ng Chery Tiggo.
Sasamahan sila nina Jennifer Nierva ng Chery Tiggo, Dawn Macandili-Catindig at Vanie Gandler ng Cignal, Dell Palomata ng PLDT, Cherry Nunag ng Choco Mucho, at Faith Nisperos at Fifi Sharma ng Akari.
Ipaparada rin ng koponan ang impresibong contingent ng UAAP standouts, na kinabibilangan nina Angel Canino, Thea Gagate at Julia Coronel ng De La Salle University, Bella Belen at Alyssa Solomon ng National University, at Casiey Dongallo ng UE.
Samantala, pangungunahan nina Bryan Bagunas at Marck Espejo ang men’s team kasama sina two-time UAAP MVP Josh Ybanez at two-time UAAP Best Setter Joshua Retamar.
Bahag rin ng koponan na gagabayan ni Sergio Veloso sina Nico Almendras, Joseph Bello, JP Bugaoan, Mark Calado, Chao Diao, Jade Disquitado, Menard Guerrero, Lloyd Josafat, Noel Kampton, Vince Lorenzo, Kim Malabunga, Leo Ordiales, Louie Ramirez, Peng Taguibolos, Jau Umandal, Sherwin Umandal, at Adrian Villados.
Related posts:
WOMEN’S NATIONAL TEAM BUBUIN, SASANAYIN NG PVL
37 TEAMS MAGHAHATAWAN SA PNVF CHALLENGE CUP
PH HOST NG 2025 VOLLEYBALL MEN’S WORLD CHAMPIONSHIP
PH PAGHAHANDAAN ANG MEN’S WORLD CHAMPIONSHIP
AVC NUVALI OPEN BEACH VOLLEY TOURNEY HAHATAW NA
PH SPIKERS ABANTE SA AVC BEACH TOUR NUVALI OPEN
FIVB VOLLEYBALL WORLD BEACH PRO TOUR FUTURES SA NUVALI
FINALS TARGET NG JR. GOLDEN TIGRESSES, LADY BULLPUPS