(Sisimulan na) PUTULAN NG TUBIG, KORYENTE

PADADALHAN na ng Meralco ng disconnection notice ngayong linggo ang mga customer nito na hindi pa nakakapagbayad ng kanilang bill.

Ayon sa Meralco, sisimulan na nila sa susunod na linggo ang pagpuputol ng koryente sa mga hindi makakapagbayad.

Pero paliwanag ng tagapagsalita ng Meralco na si Joe Zaldarriaga, magiging maunawain naman ang kompanya sa sitwasyon, maging sa mga hindi tumupad sa naunang kasunduan na pag-utay-utayin ang kanilang mga bayarin.

Magugunitang pan­samantalang itinigil ng Meralco ang pagpuputol ng koryente matapos na isailalim sa enhanced community quarantine (ECQ) ang Metro Manila at ilang karatig na lugar noong katapusan ng Marso.

Samantala, sisimulan na rin ng Maynilad ang pag-iisyu ng disconnection notice sa Hunyo 16, ayon kay Maynilad spokesperson Zmel Grabillo.

Ani Grabillo, sa Hunyo 30 naman sila magsisimulang mamutol sa mga customer na mabibigong makapagbayad ng kanilang water bill.

Sa Hunyo 1 naman magsisimulang mag-isyu ng disconnection notice ang Manila Water, habang sa Hunyo 15 uumpisahan ang putulan sa mga customer na bigo ring makapagbayad. DWIZ 882

Related posts:

(Sa pinalawig na ECQ) SUPLAY NG KORYENTE, TUBIG SAPAT (Habang naka-MECQ) WALANG PUTULAN SA TUBIG, KORYENTE (Alok sa customers sa Metro Manila) BILL SA TUBIG, KORYENTE UNTI-UNTIIN (Sa singil sa koryente, tubig) DAGDAG DISKUWENTO SA SENIORS (Tiniyak sa 2024 sa kabila ng banta ng El Niño) SUPLAY NG KORYENTE, TUBIG SAPAT WALANG WATER SHORTAGE SINGIL SA TUBIG SISIRIT BAWAS-SINGIL SA KORYENTE NGAYONG SETYEMBRE