SISIMULAN na ng Department of Labor and Employment (DOLE) ang pagbibigay ng ayuda sa tourism sector sa ilalim ng COVID Adjustment Measure Program o CAMP.
Sa update ng DOLE sa House Committee on Tourism, sinabi ni Usec. Nikki Tutay na uumpisahan ang pamamahagi ng P5,000 na financial assistance sa tourism-related businesses sa Nobyembre 15.
Ayon kay Tutay, noong Oktubre 28 pa na-download sa regional offices ang P4.7 million na pondo para sa CAMP.
Idinagdag pa ni Tutay na sinimulan na rin ang pag-download sa mga regional office ng pondo para naman sa kanilang TUPAD program.
Hiniling naman ni Aklan Rep. Ted Haresco sa DOLE central office na kalampagin ang kanilang regional offices para sundin ang polisiya at huwag patagalin ang pagre-release ng ayuda para sa naapektuhang tourism-related business.
Sa ilalim ng BAYANIHAN 1, aabot sa 111,000 na displaced tourism workers mula sa mahigit 7,000 tourism establishments ang natulungan ng CAMP.
Two-thirds naman sa mga ito na hindi nabigyan ng ayuda ang bibigyang prayoridad sa ilalim ng BAYANIHAN 2. CONDE BATAC
Related posts:
DOLE AT OWWA NAMIGAY NG PAMASKONG PASALUBONG SA MGA OFW SA NAIA
‘DI SAPAT AT ‘DI EPEKTIBONG PAMAMAHAGI NG AYUDA PINUNA
ACT-CIS, NAKA-MONITOR SA BIGAYAN NG AYUDA
(Aprub na sa DOLE) CASH AID SA TOURISM WORKERS
(Aprub kay Duterte) 20K AYUDA SA SSS, GSIS PENSIONERS
PINOY WORKERS NA TATAMAAN NG COVID MAY KOMPENSASYON
DOLE NAGPAALALA SA TAMANG PASAHOD SA LABOR DAY
(Sa 200 benepisyaryo sa Araw ng Manggagawa) P10K AYUDA PINAMIGAY NI CAYETANO, BTS
Comments are closed.