SIYAM PANG OFWs TINAMAAN NG COVID-19

KARAGDAGANG siyam pang Overseas Filipino Workers (OFWs) ang nagpositibo sa CO­VID-19.

Ito ang pinakabagong talaan mula sa Department of Foreign Affairs ( DFA).
Sa datos ng DFA, mula kahapon ay nasa 16,077 ang mga kumpirmadong positibo sa CO­VID-19 na Filipino mula sa 90 na bansa at rehiyon.

Sa nasabing bilang, 5,287 ang patuloy nagpapagamot sa iba’t ibang bansa.

Gayunpaman ,lima naman ang bagong gumaling kung kaya 9,743 na ang overseas Filipinos na naka-recover sa nakakahawang sakit o na-discharge na sa ospital.

Wala naman bagong napaulat na nasawi.

Dahil dito, 1,047 pa rin ang COVID-19 related deaths sa mga Filipino abroad.

Pinakamarami pa ring naitalang confirmed COVID-19 positive na OFWs sa bahagi ng Middle East/Africa na may 8,884 na kaso.

Sumunod dito, ang Europa na may 3,274 confirmed COVID-19 positive cases na OFWs.

Nasa 901 naman ang kaso sa Americas at 3,018 sa Asia Pacific Region.

Tiniyak ng DFA na sa pamamagitan ng Foreign Service Posts, tututukan ang lagay ng mga Pinoy sa ibang bansa at handang umasiste sa mga Filipino na apektado ng COVID-19. LIZA SORIANO

Leave a Reply

Your email address will not be published. Required fields are marked *