CAMARINES SUR- DEAD on arrival sa ospital ang isang Sangguniang Kabataan (SK) Chairman nang sumalpok ang minamanehong motorsiklo sa six wheeler truck sa Brgy. Tara, Sipocot.
Kinilala ang biktima na si Joshua Cuenca, 23-anyos, residente ng Brgy. Caima sa nasabing bayan.
Batay sa ulat ng Camarines Sur Police Provincial Office, binabaybay ng biktima Northbound direction ng kalsada nang salpukin ang kasalubong na truck na minamaneho ng ni Antonio Rosales, 47-anyos,ng Barangay Cambalidio sa bayan ng Libmanan.
Nagtamo ng mga sugat sa iba’t ibang bahagi ng kanyang katawan si Cuenca na sanhi ng kanyang maagang kamatayan.
Nasa kustodiya na ng pulisya ang truck driver habang nagpapatuloy pa ang imbestigasyon hinggil sa naturang insidente.
Comments are closed.