SOLO LEAD PUNTIRYA NG ELITE

Standings:

W        L

NorthPort                           5          1

Blackwater                          5          1

TNT Katropa                       5          1

Alaska                   4          2

Meralco                               3          3

Rain or Shine                      2          2

Brgy. Ginebra                    2          3

Columbian                          1          3

Phoenix                               1          3

Magnolia                             0          2

San Miguel                          0          2

NLEX                      0          5

 

Mga laro ngayon:

(Mall of Asia Arena)

4:30 p.m.- San Miguel vs Blackwater

7 p.m. – Magnolia vs NLEX

TARGET ng Blackwater na kunin ang solong liderato sa pakikipagtipan sa wala pang panalong San Miguel Beer sa pagpapatuloy ng PBA Commissioner’s Cup ngayon sa Mall of Asia Arena.

Nakatakda ang sagupaan ng Elite at Beermen sa alas-4:30 ng hapon, na susundan ng bakbakan ng Magnolia Hotshots at NLEX Road Warriors sa alas-7 ng gabi kung saan kapwa naghahangad ang dalawang koponan na makapasok sa win column.

Para manalo at kunin ang solo lead ay kailangang kumayod nang husto ng  Elite at talunin ni Alexander Stepheson si Charles Rhodes sa kanilang match-up.

Bagama’t nasa ibabaw ng standings ay dehado ang Blackwater sa SMB dahil lamang sa tao ang reigning Philippine Cup champion at walang katapat si June Mar Fajardo sa low post, habang si Rhodes ay isang versatile player.

Makatutuwang ni Stepheson sa opensiba sina Allein Maliksi, Michael Vincent Digregorio, Rey Mark Belo, Roi Sumang, Abu Tratter, Raphael Banal, at Gelo Alolino.

Samantala, tiyak na magpapatayan ang Hotshots at Road Warriors para makapasok sa win column.

Hawak ng Magnolia ang 0-2 kartada habang nakalugmok ang NLEX sa 0-5.  CLYDE MARIANO