SOLONG LIDERATO TARGET NG PAGADIAN SA VISMIN CUP

Standings

 

W    L

 

Pagadian                           2     0

Clarin                  2     0

Basilan                1     0

Zamboanga City              1     1

Kapatagan                        1     1

MisOr                  1     1

Zambo del Sur   0     1

Iligan                   0     2

Roxas                  0      2

 

Mga laro ngayon:

(Plaza Luz Gym, Pagadian, Zamboanga del Sur)

2 p.m.  —  Kapatagan vs Pagadian

4 p.m. — Zamboanga City vs ALZA Alayon

Zamboanga del Sur

6 p.m. —  Basilan vs Iligan

PABOR sa Pagadian Explorers ang desisyon ng liga na gawin sa orihinal na venue ang pagpapatuloy ng Mindanao leg ng VisMin Pilipinas Super Cup elimination ngayong Sabado.

Matapos ang naging desisyon na kanselahin ang dalawang playing dates bunsod ng pag-ulan sa Ipil, Zamboanga Sibugay, balik sa orihinal na venue ang liga sa Plaza Luz Gym sa Pagadian, Zamboanga del Sur para sa maaksiyong triple-bill match.

Bukod sa masamang panahon, nagdesisyon ang league officials na ipagpatuloy ang elimination ng kauna-unahang professional league sa Katimugan matapos ibaba ng Malacanang sa general community quarantine (GCQ) ang lalawigan ng Zamboanga del Sur nitong Huwebes.

“Yes, the games will resume on Saturday, July 17 in Pagadian City,” pahayag ni VisMin Cup COO Rocky Chan.

Target ng Pagadian Explorers na makopo ang ikatlong sunod na panalo at solong liderato sa harap ng home-crowd laban sa Kapatagan (1-1) sa unang laro sa alas-2 ng hapon. Magtutuos naman ang Zamboanga City (1-1) at  ALZA Alayon (0-1) sa alas-4 ng hapon.

Puntirya  ng Iligan (0-2) na makapasok sa win column sa pakikipagtipan sa Jumbo Plastic-Basilan (1-0) sa tampok na laro sa alas-6 ng gabi.

Orihinal na venue ang Pagadian na magsisimula sanang maging host nitong Hulyo 2, ngunit isinailalim sa mahigpit na modified enhanced community quarantine (MECQ) ang Zamboanga del Sur. EDWIN ROLLON