Kasya ang mahigit-kumulang na 54,000 na katao sa Sorsogon Sports Arena na pinasinayaan kamakailan sa pangunguna ni Pangulong President Ferdinand Marcos Jr.
Ito ang pinakamalaking sports platform sa Bicol na maipagmamalaki ng bawat Bicolano.
Kasama ng Pangulo sa uveiling ng sports facility sina Sorsogon Governor Edwin “Boboy” Hamor at Senate President Francis “Chiz” Escudero, na proponent ng nasabing infra project.
Ayon kay Escudero: “Ito ang pinakamalaking venue sa buong Bicol region at marahil nasa top 10 sa buong Pilipinas. This is something indeed to be proud of. Isa nanaman na dahilan para maipagmamalaki na tayo ay taga-Sorsogon.”
Kasabay ng pasinaya ang selebrasyon para sa pagdiriwang ng 50th anniversary ng Kasanggayahan Festival sa probinsiya, 130th founding anniversary ng Sorsogon, at ng 455th commemoration sa unang misa na ginanap sa Luzon.
Ang Sorsogon Sports Arena ay inspired sa iconic Colosseum sa Rome, Italy, na may lawak na 7.1-hectare at naroon ang gusali ng Department of Education (DepEd) Sorsogon at gymnasium nito.
Unang plano ay gamitin para sa Palarong Pambansa noong 2021, subalit naudlot ang construction nang tumama ang COVID-19 pandemic.
Inanunsyo naman ni Escudero na planong ganapin sa Sorsogon ang Palarong Pambansa 2027.
“The Sorsogon Sports Arena is home to modern amenities that can be used for major international competitions, as well as a 300-room dormitory that is intended to house the athletes, coaches, technical officials and spectators, ayon kay Escudero.
Ikokonsulta ni Escudero sa Philippine Sports Commission na gawing massive facility sa national sports training camp ang Sorsogon Sports Complex na taglay ang geographical advantage ng hosting sa trainings.
“Ngayon nasa Baguio, nasa norte. Malayo sa Visayas, malayo sa Mindanao. Sorsogon is in the Southernmost tip of Luzon, medyo nasa gitna. Dito lang kumpleto ang facilities at lahat ay pag-aari ng DepEd,”dagdag pa ni Escudero.
Sa kanyang talumpati, kumpiyansa si PBBM sa katangian ng arena bilang national sports training camp na magiging instrumentk para makalikha ng marami pangt Olympians at world-class Filipino athletes.
“Isang mahalagang hakbang upang maitaguyod natin ang ating mga kababayan na may angking galing sa larangan ng palakasan. Sa tulong nito, mabibigyan sila ng pagkakataon upang mahasa pa ang kanilang mga talent,” anang Pangulo.
EVELYN QUIROZ
Related posts:
BUSINESS GROUPS PRAISE BBM FOR APPOINTING ECONOMIC “A-TEAM”
AGENDA FOR PROSPERITY ITUTULAK NG MARCOS ADMIN
Bong Go salutes Filipino athletes during Konsyerto sa Palasyo event of PBBM
PBBM, FL nagsagawa ng sorpresang pagbisita sa Lucky Plaza
SINAG says PBBM’s rejection of the proposed rice import tariff cut favors the Filipino farmers
PBBM, MANATILING DA CHIEF NG 3 TAON
PBBM, DA: Suplay ng bigas matatag
PBBM pinuri sa pagsuspinde sa implementasyon ng Maharlika Investment Fund