CAMP CRAME – INATASAN ng Department of the Interior and Local Government (DILG) ang local government units (LGUs) na suriin ang mga gusali at impraestruktura sa kanilang nasasakupan bilang paghahanda laban sa pinangangambahang major earthquakes.
Ang direktiba ni Interior Secretary Eduardo Año ang sentro ng press conference hinggil sa disaster resiliency na isinagawa sa Multi-Purpose Center sa loob ng Camp Crame kasama sina Philippine National Police (PNP) Chief, Gen. Archie Francisco Gamboa, Sec. Mark Villar, Department of Public Works and Highways at Sec. Ramon Lopez ng Department of Trade and Industry.
Binigyan ni Año ng 90 araw ang LGUs na isumite sa kanila ang structural assessmen ng mga gusali para matiyak na ligtas ang mga ito.
Ito aniya ay bahagi ng mga hakbang sa disaster resilience alinsunod sa Joint Memorandum Circular No. 2019-01 na naglalayong matiyak na ligtas at handa ang lahat sakaling maganap ang kinatatakutang malakas na pagyanig.
Katuwang din sa naturang hakbang sa ilalim ng Ensuring Safe, Adoptive and Disaster Resilient Communities, and Enhancing the Country’s Readiness against Earthquakes, ang DTI at DPWH.
Babala ng DILG, ang sinumang LGUs na mabigo na magsumite ay nahaharap sa criminal at administrative na magreresulta ng pagkatanggal nila sa tungkuli.
“This is more requiring the fast track of assessment,” ayon kay Año.
Sinabi naman ni Villar na may kabuuang 5,980 gusali ang kasalukuyang sinusuri sa Metro Manila, Cavite, Laguna, Batangas, Rizal at Quezon gayundin sa Central Luzon laban sa ‘Big One’.
Habang sa Metro Manila ay ikinasa na rin ang 23 retrofitting projects.
Samantala, nagpasaklolo naman ang DTI sa PNP sa kanilang gagawing surprise inspection sa mga nagbebenta ng construction materials suppliers, at manufacturers ng construction materials.
Hiniling din ni Lopez kay Gamboa na tulungan silang mahanap ang source ng substandard materials.
Babala ni Lopez sa mga warehouse at supplier na ang sinumang hindi sumuno ay mapapaso ang kanilang permit at makukulong din ang negosyante. EUNICE C.
Related posts:
(Sanib-puwersa ng PNP-DILG-DFA at USA) P520-M TRAINING CENTER VS TERRORISM ITATAYO
(Paalala ng DILG sa PNP at AFP) PAGSASAPUBLIKO NG LARAWAN INGATAN
PNP, DILG AT DSWD NAG-SEMINAR PARA SA 2ND TRANCHE NG SAP
(250K quarantine pass binawi ni Mayor Labella) AFP AT PNP MAGDE-DEPLOY NG PUWERSA SA CEBU CITY –DILG
P1.7-M POLICE AND OFFICE EQUIPMENT NATANGGAP NG PNP
130 PATROL VEHICLES DONASYON NG KOREA SA PNP
NATIONWIDE RESHUFFLE SA PNP; PIO CHIEF PINALITAN
PNP TINIYAK NA PATAS SA PAGPAPATUPAD NG BATAS VS NARCOLIST NG PDEA
Comments are closed.