PERSONAL na magbibigay ngayong araw ng $100,000 o higit P5 milyon na ayuda si House Speaker Martin Romualdez para sa mga biktima ng lindol sa Turkey.
Ayon sa Speaker, na Leyte Representative rin, “Ang bansang Turkey ang isa sa pinakaunang bansa na nagpadala ng tulong sa amin nang tumama ang Yolanda sa Leyte.”
“Marapat lamang na suklian natin ang magandang kaloobang ito ng Turkey na siya namang nangangailangan ng tulong natin ngayon,” ani Romualdez.
Dagdag pa ng lider ng Kongreso, “ naibsan ang sakit at pagdurusa ng mga biktima ng Yolanda sa Samar at Leyte dahil sa maagang ayuda ng bansang Turkey noon.”
Nabatid na personal na iaabot ni Speaker Romualdez ang tseke ngayong araw kay Turkey Ambassador Niyazi Evren Aykol sa Batasang Pambansa Complex sa Quezon City.
Napag-alaman na ang nasabing halaga ay galing sa Speaker’s Disastet Relief and Rehabilitation Initiative na inilunsad noong ika-59 kaarawan ni Romualdez.
Una nang nagpadala ng mga rescuer ang Pilipinas sa nasabing bansa noong nakaraang linggo para tumulong sa paghahanap ng mga survivors doon.
Ang Turkey at Syria ay sabay na niyanig ng 7.8 magnitude na lindol noong Pebrero 6 at sinundan ng 7.3 na pagyanig ilang minuto lang ang lumipas.
Related posts:
SPEAKER ROMUALDEZ, MAGPAPATAWAG NG URGENT PNP-DILG MEET
SPEAKER ROMUALDEZ, TODO-KAYOD PA SA PAGTATRABAHO
SPEAKER ROMUALDEZ, TINGOG INILABAS ANG P33M TULONG PARA SA APEKTADO NG MAYON
“Sobra na… Kailangan nang matapos ito” – Romualdez
SPEAKER ROMUALDEZ, BIBIGYAN NG PLAQUE AT CASH ANG GILAS AT IBA PANG ATLETA SA ASIAN GAMES
SPEAKER ROMUALDEZ, TRABAHO NITONG LONG WEEKEND