STOCK NG NFA RICE SA SOCCSKSARGEN, ARMM SAPAT NA

PILIPINO Mirror
NFA RICE

GENERAL SANTOS CITY – Nakapag-deliver ng dagdag na 160,000 na sako ng imported ang National Food Authority (NFA) para madugtu­ngan ang naka-standby na stocks sa apat na probinsiya sa Region 12 o ang  Soccsksargen at ang Autonomous Region in Muslim Mindanao (ARMM).

Sinabi ni Dionisio Hectin Jr., NFA provincial manager ng siyudad at ng Sarangani, na ang dagdag na stocks ay para  mapanatili ang presensiya ng rice sa iba’t ibang pamilihan sa lugar.

Sinabi niya na ang na-deliver na stock ng bigas, na umaabot sa total na 8,000 metriko tone­lada, ay nakalaan para sa mga probinsiya ng South Cotabato, Sultan Kudarat, North Cotabato at Maguindanao.

Makakukuha ang South Cotabato, Maguin­danao at Sultan Kudarat ng 30,000 sako bawat isa habang ang North Cotabato ay makatatanggap ng 40,000 sako, sabi niya.

Sinabi ni Hectin na ang natitirang 30,000 ay itatago muna ng siyudad pero naka-standby para sa Soccsksargen at ARMM.

“The unloading of the stocks are ongoing. Once completed, these will be delivered to the concerned NFA provincial offices,” pahayag niya sa isang panayam.

Sinabi ng opisyal na ang cargo vessel na nagdala ng stocks ng bigas ay dumating sa Makar Port noong Disyembre 30 pero ang pag-dock at pagdiskarga na naantala dahil sa kakulangan ng permit mula sa Bureau of Customs.

Sinabi niya na na­ngangailangan ang Philippine Ports Authority ng pag-isyu ng tamang permit bago mabigyan ang barko ng pagpaparadahan sa pier.

Sinabi pa ni Hectin na inaasahan nila ang deli­very ng dagdag na stock ng bigas para sa siyudad at sa Sarangani Province sa susunod na rice shipment.

Siniguro niya na ang lugar ay may sapat na stock ng bigas hanggang sa susunod na shipment, na inaa­yos ng NFA central office.

Sinabi ng opisyal na ang kanilang kasalukuyang imbentaryo ay umaabot sa 53,000 sako, na puwedeng tumagal ng dalawang buwan base sa pangangailangan ng lugar.

Dagdag pa ni Hectin na kasalukuyan nilang pinanatili ang presensiya ng NFA rice sa merkadong lokal na may participation rate ng 7 porsiyento.    PNA

Related posts:

NFA RICE P27P27/KILO NFA RICE MABIBILI SA SUPERMARKETS NFA RICE3BAGONG DATING NA NFA RICE SA ILANG PAMILIHAN PINILAHAN NFA RICE3NFA RICE MABIBILI PA RIN SA MERKADO–DA CHIEF NFA RICE3STOCK NG NFA RICE SA NEGROS TATAGAL PA HANGGANG AGOSTO NFA RICE3SUPERMARKETS SINIGURO NA MAYROONG NFA RICE NFA RICE3NFA RICE IPAPAMAHAGI SA TARGET AREAS NFA RICE-429K SAKO NG NFA RICE PATULOY PA RING IPINAMAMAHAGI SA NE-GOCC NFA RICE P27P27/KILO NG NFA RICE SA MARALITA TULONG NG PCUP SA “ZERO HUNGER PROGRAM”

Comments are closed.